სსიპ ზურაბ ჟვანიას სახელობის სახელმწიფო ადმინისტრირების სასერთიფიკატო პროგრამა „სახელმწიფო ენის ელჩები“ დაიწყო. მეორე ნაკადის 20 მონაწილე საქართველოს სხვადასხვა რეგიონიდან წინასწარი კონკურსის შედეგად შეირჩა. ჟვანიას სკოლის ქუთაისის კამპუსში პირველი შეხვედრა ჩატარდა . პროგრამა მოიცავს თეორიულ და პრაქტიკულ ნაწილს, რომელიც გაგრძელდება 5 თვე და ემსახურება ტრენერთა მომზადებას ან/და გადამზადებას სახელმწიფო ენის სწავლებისა და ინტეგრაციის საკითხებში ეროვნული უმცირესობების წარმომადგენელთათვის სახელმწიფო ენის სწავლების უზრუნველსაყოფად შემდგომში მათი ერთიან სახელმწიფოებრივ სივრცეში ინტეგრაციის ხელშეწყობის მიზნით.