29 ივნისიდან ჟვანიას სკოლაში პროფესიული საჯარო მოხელის პროფესიული განვითარების საბაზისო პროგრამამ „პიროვნული და პროფესიული კომპეტენციების განვითარება" სასწავლო პროცესი დაიწყო.

პროგრამის ფარგლებში ქუთაისის მუნიციპალიტეტის მერიის III და IV რანგის საჯარო მოხელეები გადამზადდებიან და პროფესიულ კვალიფიკაციას აიმაღლებენ შემდეგ მიმართულებებში:

• ეფექტიანი მომსახურება და დროის მართვა;
• ადმინისტრაციული წარმოება;
• ეთიკა საჯარო სამსახურში;
• პროფესიული კომუნიკაცია, თანამშრომლობა და გუნდური მუშაობა .

სასწავლო პროცესი მიმდინარეობს დისტანციურად, Zoom-ის საკომუნიკაციო პლატფორმის საშუალებით და მასში ჩართულია ქ. ქუთაისის მუნიციპალიტეტის მერიის 20 თანამშრომელი.

პროგრამის ხანგძლივობა 24 საათია და მას უძღვებიან ჟვანიას სკოლის გამოცდილი ტრენერები: ირინა შალამბერიძე, ნინო თვალთვაძე, ეკატერინე სირაძე და ნინო გულეიშვილი.

პროგრამის შესახებ დეტალური ინფორმაცია შეგიძლიათ იხილოთ აქ : http://www.zspa.ge/geo/page/203