ჟვანიას სკოლის ლაგოდეხის რეგიონულ სასწავლო ცენტრში აქტიურად მიმდინარეობს დისტანციური სწავლების პროცესი სახელმწიფო ენის სწავლებისა და ინტეგრაციის პროგრამის დარგობრივი მიმართულების კურსის - „საექთნო საქმე" - ფარგლებში.

პროგრამაში ჩართული ეროვნული უმცირესობების წარმომადგენლები ეუფლებიან სახელმწიფო ენას B1+ დონეზე და სამედიცინო საქმიანობისთვის საჭირო ლექსიკასა გრამატიკულ კონსტრუქციებს. დარწმუნებულნი არიან, რომ მიღებული ცოდნა დაეხმარება მათ მომავალი პროფესიის დაუფლებაში. კურსის წარმატებით დასრულების შემდეგ, ბენეფიციართა უმეტესობა სწავლის გაგრძელებას მედიცინის მიმართულებით გეგმავს.